Udan zerura begiratu (I) Arabako mendialdetik unibertsoari so.
Udan gau epelak ditugu eta lotara joateko presa gutxi; urtaro ezin hobea kalera irteteko eta gora begiratzeko, zeruan ikusgai ditugunak arretaz behatzeko eta haien edertasunaz gozatzeko.
Izarrak eta bestelako astroak ondo ikusteko, adituen lehenengo gomendioa argi iturrietatik urruntzea da, bai artifizialetatik (hirietatik, adibidez) bai naturaletatik (ilargi beteak ez digu bestelako astroak ikusten utziko!).
Pasa den urteko irailaren 30ean Izki Behatoki Astronomikoa zabaldu zuten eta noizbehinka ekintza bereziak antolatzen dituzte, esaterako, hurrengo 27an gertatuko den ilargi eklipsea ikusteko. Euren web orrialdean aurkituko duzue informazio guztia baita gure post-a apaintzen duen bezalako argazki galantak ( www.behatokizki.org ).
Izki Behatoki Astronomikoari buruz eta euren lanari buruz gehiago jakin nahi izanez gero, ez galdu hurrengo loturan daukazuen bideoa!
https://zientzia.eus/zientzia-tb/arabako-mendialdetik-unibertsoari-so/
